Kika pepamickam tcimanikak e 8itci8ek8a kikino8inik kekina8a kika 8apateiko8ak kikino8inik kapi ici tacike8atc acitc kapi ici pimatisi8atc 8eckatc nitanicinapeminanak ka otci otapikecino8atc Pikokan anicinapek.
Apitc papamatisiak kika 8apatana8a e pakanak8ak pimatisi8in. Atasokan mackiki mitikok kika 8apateikom kika kotcipitana anicinape mitcimin. Kika nota8a8ak kikino8e8inik e tipatcimo8atc kapi icinak8anik opimatisi8ini8a acitc anicinapek kapi inapatcito8atc sipiini. Anicinape kapeci8inikak kika tacikem acitc kika nepam nepakanikak konikotc pikokanikak. |
